AF268: 57r

bilmeyüb seʿādetlü ve himmetlü pādişāh‑i ʿālem‑penāhuñ rikāb‑i şerīflerinde bulınan ʿaskerüñ ṣaġīr ü kebīri her birisi bir şīr‑i dil‑gīr ve bir şikār‑gīr olub // tīġ ü tīrle küffāruñ qafaların alub kimini tīr ü külüng minqārıyla raḫne vü infā ve kiminüñ ser‑nigīnlerin [...] ceyşlerinden tīġle cüdā // ėdüb niçe yüz biñ küffār iken piyāde ve süvārī ricālu llāh heyʾetinden/hey[b]etinden [?] bir daḫı ardına baqmaġa zemānları [?] olmayub sāʿat‑i vāḥidde // yüz biñden ziyāde küffār‑i ḥāksār [!] ṭuʿma‑i şimşīr‑i ḫūn‑āşām olub vaqt‑i şām ėrmekle eli [...] olanları nā‑kām baş qurtarmaq // arzūsıyla firār ėdüb ṭābūr‑i maqhūrlarında ve maḥall‑i maʿrekede olan dört‑yüze qarīb muṣannaʿ u muṣavver ṭopların ve żarbuzanların // ve cümle ḥayme [!] ve bārgāhların ve esbāb u erzāqların dīgeri [?] biñden ziyāde qoçıların ve aña göre zād u zevāda ʿarabaların ve ḫadam // u ḫaşemin [!] ḥuṣūṣen Nemçe‑i bedlehçe küffārī ʿavretlerin daḫı bıraġub ʿasker‑i islām‑i ẓafe‑şiʿār ḥuṣūṣen Tātār‑i yaġmakār [?] bir mertebede māl‑i // ġanāyim ile muġtenim olmışlardur ki qābil‑i taʿbīr degüldür bu fütūḥāt‑i ʿuẓmā ve nuṣret‑gir aña seʿādetlü pādişāhumuz aʿazzu llāhu taʿālā anṣārehū // ḥażretlerine bu defʿa müyesser olmışdur icdād‑i ʿaẓāmlarından birine degüldür selāṭīn‑i pīşīnden geçen ṣāḥib‑qırānlaruñ birisine // müyesser olmamışdur evvelā Egri gibi qalʿe‑i metīn ü üstüvār ki esāsı binā olaldan berü [...]tesḫīrine kimesne dest‑i ẓafer // urmamışdur ve s̱ānīyen yedi qırālluq memleketinden ʿahd ü peymān ile furṣat bizümdür dėyü cemʿ [?] olan eşrār‑i küffār ve iki müstaqill qırāl‑i // hezīmet‑ās̱ār bunca yılluq daʿvā‑yi mürd ibtidārī‑yi [...] üzre biẕẕāt sulṭān‑i selāṭīn‑i zemān pādişāh‑i ṣāḥib‑qırān ile // ceng ü [...] eylemek arzūsıyla bī‑pervā meydāna gelmişler iken eks̱eriyyā ʿasker‑i şeyṭanet reh‑berleri ṭuʿma‑i şimşīr ve esīr ve ser‑ʿaskerleri // kimi maqtūl ve kimi mecrūḥ u maḥẕūl [!] olub nām u nişānları nā‑būd u nā‑peydā ve var maqdūrları ġāret ü yaġma olınduġı maḥżen [?] ʿaṭīye‑i // ilāhī olmışdur baqīyetü s‑süyūf olub rāh‑i gürīze sālik olan ehl‑i ṭuġyān gürīzān olduqları ṣaḥārī vü berārī vu kūh u vādīlerde // bir günlük yol miqdārı mesāfe ḫūn‑i küffārla ālūde vü lāşe‑i mürdārları fersūde olub bunları ne ʿasker qırub helāk eyledügi // bilinmemişdür [?] ḫalīfe‑i zemān pādişāh‑i Süleymān‑mekān aʿazzu llāhu anṣārehū ila yevmü l‑mīzān ḥażretleri bu fütūḥāt‑i cemīle muqābelesinde // yezdān‑i feyżü l‑iḥsān dergāhına ḥamdhā[?]‑yi firāvān u ʿaskerhā‑yi bī‑pāyān taqdīm ėdüb ol leyle‑i mübāreki ṭāʿat u ʿibādet ile // vaqt‑i ṣubḥa degin bīdār u şādān u ḫandān [?] geçürüb ėrtesi raḫş‑i seʿādet‑mendlerine devlet ü ʿizzet ile süvār olub küffār‑i // dūzaḥ [!]‑firāruñ küşte‑i [?] ṭāliʿ ber‑güşte [?] lāşelerin ve alınan ṭopların seyrān u maʿreke maḥallerin cevelān ėdüb baʿdehū otaq gerdūn‑i // nıṭāqa nüzūl ve taḥt‑i [!] nuṣret‑baḥta [!] cülūs ėdüb erkān‑i devlet ve aʿyān‑i ḥażret‑i tehīye‑i [?] ġazā‑yi meserret‑efzā içün dest‑būs‑i // seʿādet‑meʾnūs ėdüb erbāb‑i istiḥqāqa terfīʿ‑i menāṣıb ve tevsīʿ‑i merātib ve teraqqīler ve iḥsānlar erzānī buyurılub cümleden // Ḥasan Paşa ḥażretlerine müstaqill vezāret ve Rūm ėli gėrü Velī Paşaya ve yeñiçeriler aġalıġı büyük mīr‑āḫūra ve büyük mīr‑āḫūrluq // küçük mīr‑āḫūr Aḥmed Aġaya ve küçük mīr‑āḫūrluq şāhīnci başı Dervīş Aġaya ve Ferhād Paşa‑zāde siliḥ‑dār başı Çelebi olduġı // ḥasebiyle żabṭına çendān qādir olmayub refʿi lāzım olmaġın sābıqan siliḥ‑dār başı olan Rıżvān Aġaya ṣadaqa olmayub // rūz‑i mezbūr bir rūz‑i pīrūz ve bir vaqt‑i behcet‑efrūz olmışdur ki ve bir vech‑ile daḫı yevm‑i levm‑i ciger‑sūz vāqiʿ olmışdur ki rūzgār‑i zorkārda// niçe nā‑murādlar murād u kām alub ve niçe ber‑murād u şād‑kāmlar niʿmet ü devletlerinden irādet‑i ḥaqqla dūr u nā‑kām qalmışlardur